Belçika yığmasının yeni baş məşqçisi əfsanəvi fransalı futbolçu Tyerri Anri ola bilər.
Sportarena.az xəbər verir ki, Belçika Futbol Assosiasiyası Qətərdə keçirilən dünya çempionatından sonra istefa verən Roberto Martinesin yerinə Anrini əsas namizəd hesab edir.
Məşqçilik postunun digər namizədi millinin sabiq kapitanı Vensan Kompanidir.
Ancaq assosiasiyanın öncəliyi Anrinidir.
Qeyd edək ki, Belçika ilə Azərbaycan milliləri AÇ-2024-ün seçmə mərhələsinin F qrupun çərçivəsində 2023-cü il sentyabrın 9-da Bakıda, cavab görüşü noyabrın 19-da Brüsseldə qarşılaşacaq.