"Messi inanılmazdır. O, tarixin ən yaxşılarından biridir və biz onu zərərsizləşdirmək üçün çox səy göstərdik. Matçın əvvəlində yaxşı müdafiə olunduq, lakin sonra Lionel Messi meydanda vəziyyəti dəyişdirən gözəl qol vurdu. İkinci hissədə kobud səhvimiz bizə baha başa gəldi".
Sportarena.az xəbər verir ki, bunu Avstraliyanın baş məşqçisi Argentinaya 2:1 hesabı ilə uduzduqları matçdan sonra deyib.
Böyük komanda ilə qarşılaşdıq. Yaxşı şanslarımız oldu, amma istifadə edə bilmədik. Avstraliya futbolunun böyük gələcəyi var. Əsas odur ki, dəstək itməsin, idmanın inkişafı dayanmasın, - Qrem Arnold əlavə edib.
Məşqçi oyunçuları ilə fəxr etdiyini deyib: "Onların əldə etdikləri ilə əla idi. Daha çox şeyə nail ola bilmədiyimiz üçün bir az kədərlənirik, amma ümid edirəm ki, ölkə də mənim kimi öz oyunçuları ilə fəxr edir".