"PSJ"nin Portuqaliya millisində çıxış edən futbolçularından müdafiəçi Nuno Mendeş və yarımmüdafiəçi Danilo Perreyra yığmanın Qətərdəki düşərgəsini tərk edəcək.
Sportarena.az xarici KİV-lərə istinadən xəbər verir ki, "PSJ" rəhbərliyi futbolçulardan 2022-ci il dünya çempionatında aldığı zədələrin müalicəsi üçün Parisə qayıtmağı xahiş edib.
Mendeş qrup mərhələsinin Uruqvaya qarşı matçının sonunda (2:0) omba nahiyəsindən zədələnib. Perreyra isə turnirin açılış matçında qabırğasını sındırıb.
Qeyd edək ki, Portuqaliya millisi 1/4 finalda Mərakeşlə üz-üzə gələcək. Qarşılaşma dekabrın 10-da oynanılacaq.