Mərakeş millisi dünya çempionatları tarixinə adını yazdırdı.
Sportarena.az xəbər verir ki, Mərakeş DÇ-2022-nin 1/4 finalında Portuqaliyanı 1:0 hesabı ilə məğlub etdikləri oyunda buna nail olub.
Mərakeş yığması yarımfinal mərhələsinə vəsiqə qazanan ilk Afrika təmsilçisi oldu.
Mərakeşdən əvvəl Kamerun (1990), Seneqal (2002) və Qana (2010) 1/4 finalda iştirak etsə də, mərhələ adlaya bilməyiblər.
Qeyd edək ki, Afrika təmsilçisi növbəti mərhələdə Fransa- İngiltərə matçının qalibi ilə qarşılaşacaq.