Beynəlxalq Futbol Tarixi və Statistikaları Federasiyası (İFFHS) dünya klublarının yeni reytinq cdvəlini açıqlayıb.
Sportarena.az qurumun rəsmi saytına istinadən xəbər verir ki, siyahıda 300 komanda yer alıb. Azərbaycan təmsilçilərindən isə bu cədvəldə yalnız "Qarabağ" var.
Ağdam təmsilçisi əvvəlki siyahıya müqayisədə 2 pillə geriləyib. Aktivində 137 xal olan Qurban Qurbanovun komandası 85-cidir. "Qarabağ"ın Konfrans Liqasının pley-off mərhələsindəki rəqibi "Gent" (Belçika) isə 140 xalla 84-cüdür.
Cədvələ 305 xalla "Flamenqo" (Braziliya) liderlik edir. 297 xalla "Liverpul" (İngiltərə) 2-ci, 294 xalla "Palmeyras" (Braziliya) 3-cüdür.