İtaliya millisinin sabiq üzvü Cennaro Qattuzo yığmada və "Milan"da komanda yoldaşı olmuş Andrea Pirlo haqda danışıb.
Sportarena.az xəbər verir ki, hazırda "Valensiya"nı çalışdıran mütəxəssis "AS" nəşrinə açıqlamasında deyib ki, Pirloda olan bəzi xüsusiyyətlər indiki futbolçularda yoxdur:
"Pirloda indiki futbolçularda çətinliklə görə biləcəyiniz bir keyfiyyət var idi: uzun və dəqiq ötürmələr. Tanrı Pirloya inanılmaz keyfiyyətlər bəxş edib. Elə bil dörd gözü var idi. Meydanda yerləşmə, topsuz iş, boşluqlar... Bu, indi bir çox komandada çatışmır".
Qeyd edək ki, Pirlo 2002-2015, Qattuzo isə 2000-2010-cu illərdə İtaliya millisində çıxış ediblər.