Səudiyyə Ərəbistanının "Əl-Nəsr" klubunun idman direktoru Marselo Salazar Kriştiano Ronaldonu tezliklə transfer edəcəkləri ilə bağlı yayılan xəbərlərə münasibət bildirib.
Sportarena.az xəbər verir ki, klub rəsmi "Rekord"a açıqlamasında deyib:
“Mən hə və ya yox demək səlahiyyətinə malik deyiləm. Gəlin gözləyək, görək ilin sonuna qədər ölkədə və dünya futbolunda hadisələr necə inkişaf edəcək. Onu deyə bilərəm ki, Kriştiano Ronaldo futbol tarixinin ən yaxşılarından biridir. O, qələbə üçün göstərdiyi iradəyə görə bir idmançı kimi mənə həmişə örnək olub,. Mən Portuqaliya vətəndaşı olaraq onu həmişə dəstəkləmişəm".
Qeyd edək ki, bundan əvvəl Ronaldonun "Əl-Nəsr"lə 2030-cu ilə qədər müqavilə bağlayacağı, 2,5 il futbolçu kimi çıxış edəcəyi, bundan sonra klubun səfiri olacağı bildirilirdi.