İngiltərənin "Çelsi" klubu müdafiə xəttini yeni futbolçu ilə gücləndirmək istəyir.
Sportarena.az xəbər verir ki, London təmsilçisinin əsas hədəfi "Monako"da çıxış edən Benua Badyaşildir. Bu barədə jurnalist Fabritsio Romano məlumat yayıb.
"Çelsi" fransalı mərkəz müdafiəçisi üçün "Monako"ya rəsmi təklif göndərib. Transferin yaxın zamanda 35-40 milyon avroya tamamlanacağı gözlənilir.
Qeyd edək ki, Benua Badyaşil "Monako"nun yetirməsidir. 21 yaşlı müdafiəçi cari mövsümdə "knyazlıq" təmsilçisinin heyətində meydana çıxdığı 16 matçda 2 qol vurub.