"Mançester Yunayted"dən ayrıldıqdan sonra klubsuz olan Kriştiano Ronaldo yenidən İspaniyaya qayıda bilər.
Sportarena.az xəbər verir ki, ulduz futbolçunun sabiq klubu "Real"a qayıtmaq ehtimalı var. Bu barədə "TNT Sports" nəşri məlumat yayıb.
Xəbərdə "kral klubu"nun rəhbərliyinin 37 yaşlı hücumçunun meneceri Jorje Mendeşlə danışıqlara başladığı qeyd olunub.
Qeyd edək ki, Kriştiano Ronaldo 2009-2018-ci illərdə "Real"da çıxış edib. Portuqaliyalı futbolçu Madrid təmsilçisinin heyətində meydana çıxdığı 438 matçda 450 qol və 131 məhsuldar ötürmə ilə yadda qalıb.