Futbol üzrə Yaponiya millisinin baş məşqçisi Moriyasu Hadzimenin müqaviləsinin müddəti uzadılıb.
Sportarena.az Yaponiya Futbol Federasiyasının rəsmi saytına istinadən xəbər verir ki, 54 yaşlı mütəxəssisin sözləşməsi 2026-cı ilədək nəzərdə tutulub.
Qeyd edək ki, Hadzime 2018-ci ildəki dünya çempionatından sonra yığmanın sükanı arxasına keçib. Komanda onun rəhbərliyi altında Qətərdəki mundialda 1/8 final mərhələsində Xorvatiyaya penaltilər seriyasında uduzaraq mübarizəni dayandırıb.