Daha əvvəl “Real Madrid”də birlikdə oynamış xorvatiyalı yarımmüdafiəçi Luka Modriç və Portuqaliya millisinin hücumçusu Kriştiano Ronaldo yenidən komanda yoldaşı ola bilər.
Sportarena.az "Marca"ya istinadən xəbər verir ki, Səudiyyə Ərəbistanının “Əl-Nəsr” klubu Modriçi transfer etməkdə maraqlıdır.
“Kral klubu” isə 37 yaşlı futbolçunu vaxtından əvvəl buraxmaq fikrində deyil.
Həmçinin, hazırda PSJ-də çıxış edən "Real"ın sabiq müdafiəçisi Serxio Ramosun və "Barselona"nın futbolçusu Serxio Busquetsin mümkün transferi də gündəmdədir.
Qeyd edək ki, Ronaldo bir neçə gün əvvəl Səudiyyə Ərəbistanı klubuna transfer olub.