Səudiyyə Ərəbistanının "Əl-Nəssr" klubuna transfer olan Kriştiano Ronaldo "Real"da oynamaq istəyib.
Sportarena.az "Marca" nəşrinə istinadən xəbər verir ki, portuqaliyalı ulduz futbolçu Madrid təmsilçisinə müraciət edərək az maaşla oynamağa hazır olduğunu bildirib. Lakin "kral klubu" 37 yaşlı hücumçunun təklifini rədd edib.
Qeyd edək ki, Kriştiano Ronaldo "Əl-Nəssr"lə 2,5 illik müqavilə imzalayıb. Təcrübəli forvard bu müddət ərzində 500 milyon avro qazanacaq.