“Qarabağ”ın legioneri Qaspar Panadero İspaniyaya yollanıb.
Sportarena.az xəbər verir ki, ispaniyalı yarımmüdafiəçi vətənində özünə yeni komanda tapmağa çalışacaq.
“Qarabağ” 25 yaşlı futbolçuya onunla maraqlanan klublarla danışıq aparmaq icazəsi verib. Panadero ilk olaraq Sequnda təmsilçisi “Luqo” ilə mümkün transferini müzakirə edəcək. O, aşağı liqanın digər kubları ilə də danışıqlar apara bilər.
Qeyd edək ki, Panadero “Qarabağ”a 2021-ci ilin avqustunda İspaniyanın “Kadis” klubundan transfer olunub. Onun Ağdam klubu ilə 2024-cü ilin yayınadək müqaviləsi var.