“Barselona”nın baş məşqçisi Xavi İspaniya kubokunun 1/16 final mərhələsinin "İntersiti” ilə görüşü barədə danışıb.
Sportarena.az xəbər verir ki, “Diario Sport”a açıqlama verən baş məşqçi Kataloniya klubunun zəif rəqibini yalznı əlavə vaxtda 4:3 məğlub etməsini bu cür şərh edib:
"Kubokda belə olur. Birinci divizionun yeddi komandası mübarizədən kənarlaşdırıldı. Əksəriyyəti də aşağı liqaların komandalarına qarşı idi. Hər şeyi özümüz üçün çətinləşdirdik. Daha yaxşı ola bilərdi, amma çox qol buraxdıq. Heç bir xətdə güclü deyildik. Xoşbəxtlikdən 1/8 finala çıxdıq".