“Qarabağ” Belçikanın “Beveren” klubunda çıxış edən braziliyalı futbolçu Lukas Ribeyro Kostanı transfer edə bilər.
Sportarena.az xəbər verir ki, bu barədə Belçika mətbuatı məlumat yayıb.
Xəbərdə bildirilir ki, Ağdam klubu 25 yaşlı yarımmüdafiəçiyə rəsmi təklif göndərib. “Sambaçı”nın xidmətində digər ölkə təmsilçiləri, həmçinin Rusiyanın 2 klubu da maraqlıdır. İddiaya görə, Azərbaycan çempionunun təklifi oyunçunu daha çox cəlb edib.
Lukas Ribeyro Kosta daha əvvəl Fransanın “Valensyen”, Belçikanın “Ekselsior”, “Şarlerua” və “Muskron” klublarında da çıxış edib.