Bir müddət öncə Kadi Borgesi heyətinə qatan Rusiyanın “Krasnodar” klubu “Qarabağ”ın daha bir legionerinə göz dikib.
Sportarena.az xəbər verir ki, Premyer Liqa təmsilçisi Ağdam təmsilçisinin digər yarımmüdafiəçisi Leandro Andradeni də transfer etmək istəyir.
Bu barədə “Sport-Ekspress” nəşri məlumat yayıb. Tərəflər arasındakı danışıqların davam etdiyi bildirilir.
Qeyd edək ki, Leandro Andrade 2022-ci ilin yanvarından “Qarabağ”da çıxış edir. Kabo-Verde yığmasının üzvü Ağdam təmsilçisində 30 oyuna çıxıb, 5 qol və 13 məhsuldar ötürmə ilə yadda qalıb.