Qurban Qurbanov "Rakov"la oynanılan hazırlıq matçında "Qarabağ"ın yeni transferinə şans verib.
Sportarena.az xəbər verir ki, "Qarabağ"ın yeni transferi Adama Diakabi Polşa təmsilçisi qarşısında forma şansı görüb.
Oyunçu ikinci hissədə 25 nömrəli forması ilə oyuna daxil olub.
Bu haqda məlumatı "Sportarena.az"ın Antalyaya ezam olunmuş əməkdaşı Rüfət Nadirli məlumat verib.
Xatırladaq ki, Ağdam klubu Adama Diakabi ilə 2025-ci il iyunun 30-dək müqavilə imzalayıb. Diakabi Fransanın U-21 millisinin şərəfini qoruyub. 26 yaşlı futbolçu Fransanın “Kan”, “Renn”, “Monako” və “Amyen”, eləcə də İngiltərənin “Haddersfild” və “Nottingem Forest” klublarının formasını geyinib.
Qeyd edək ki, davam edən matçda "Qarabağ" Polşa təmsilçisinə 2:0 hesabı ilə uduzur.
