Türkiyənin "Konyaspor" klubunun yeni baş məşqçisi müəyyənləşib.
Sportarena.az xəbər verir ki, Super Liqa təmsilçisini Aleksandar Stanoyeviç çalışdıracaq. Bu barədə "ağ-yaşıllar"ın mətbuat xidməti məlumat yayıb. Serbiyalı mütəxəssislə 1,5 illik müqavilə imzalanıb.
Son iş yeri ölkəsində "Partizan" olan Aleksandar Stanoyeviç "Konyaspor"un baş məşqçisi postunda dünən istefaya göndərilən İlhan Palutu əvəz edib.
Qeyd edək ki, "Konyaspor" əvvəlki məşqçisi İlhan Palut ilə yollarını bu gün ayırıb.