Səudiyyə Ərəbistanı çempionatının 14-cü turunda “Əl Nəsr” “Əl İttifaq”la qarşılaşacaq.
Sportarena.az xarici KİV-ə istinadən xəbər verir ki, Kriştiano Ronaldo bu matçda meydana çıxaraq, “Əl Nəsr”in heyətində ölkə çempionatında debüt edə bilər.
Ronaldo artıq Səudiyyə Ərəbistanında meydana çıxıb. Bu, Riyad komandasının (“Əl Nəsr” və “Əl Hilal”ın birləşmiş komandası) PSJ (4:5) ilə oynadığı yoldaşlıq görüşündə baş verib. Həmin matçda portuqaliyalı forvard dubla imza atıb.
Qeyd edək ki, Ronaldo “Əl Nəsr”lə 2 illik müqavilə imzalayıb. “Qızıl top”un beşqat qalibinin sözləşməsi 2025-ci ilədək nəzərdə tutulub. 37 yaşlı portuqaliyalı hücumçunun sponsorluq gəlirləri ilə birlikdə illik qazancının 200 milyon avro olması gözlənilir.