Səudiyyə Ərəbistanı klubu “Əl Nəsr” Yunanıstan “Olimpiakos”unun müdafiəçisi Marselonu transfer etmək istəyir.
Sportarena.az xarici KİV-ə istinadən xəbər verir ki, 34 yaşlı müdafiəçini transfer etmək təklifi “Əl Nəsr”in hücumçusu Kriştiano Ronaldo tərəfindən irəli sürülüb. O, uzun müddət Marselo ilə birlikdə “Real”da çıxış edib.
Marselo 2007-2022-ci illərdə “kral klubu”nun futbolçusu olub. O, İspaniya təmsilçisinin heyətində 546 oyuna çıxıb, 38 qol vurub və 103 məhsuldar ötürmə edib. Braziliyalı müdafiəçi hazırda “Olimpiakos”un formasını geyinir.