"Qəbələ" və "Səbail" ilə olan matçlarda bizə lazım olan xalları toplaya biləcəyik" - "Kəpəz"in legioneri

Sportarena.az      24 Yanvar 2023 , 11:32

"Komandanın yaxşı hazırlığı üçün normal toplanış keçmişik. Qış fasiləsindən sonrakı ilk turlardan bizi olduqca əhəmiyyətli oyunlar gözləyir".

 

Sportarena.az xəbər verir ki, bunları klubun mətbuat xidmətinə açıqlamasında "sarı-göylər"in qolkiperi Mario Mustapiç deyib. Xorvatiyalı qolkiper yenidən “Kəpəz”ə, Gəncəyə döndüyü üçün çox şad olduğunu söyləyib.

 

Bununla yanaşı, o, kollektivin Antalyada keçirdiyi təlim-məşq toplanışını dəyərləndirib:

"İstirahət etmək, qidalanmaq üçün hər cür imkana malik oteldə qaldıq, məşq etdiyimiz stadionlar da yaxşı idi. Baş məşqçinin təlimatları əsasında çalışdıq. Hazırlığımız da yüsək səviyyədə keçdi. Ümid edirəm ki, "Qəbələ" və "Səbail" ilə ilk çempionat görüşlərində bizə lazım olan xalları toplaya biləcəyik".
 

Mustapiç əsas heyətdə yer almaq uğrunda rəqabətə hazır olduğunu vurğulayıb:

“Orxan Sadıqlı əla qapıçıdır. Onun oyunlarda əsas heyətdə yer aldığını bilirəm. Mən də cəhd edəcəm ki, ilk “11-lik”də yer alım. Buna görə həm özüm, həm də komanda üçün əlimdən gələni etməyə çalışacam”.
 

Qolkiper komandanın qarşısına qoyulan hədəfdən də danışıb:

“Məqsədimiz üçün mübarizə apara biləcək gücdə olan yaxşı komandamız var. Biz nəinki elitada qalmaq, hətta orta pillələrdə yer almaq üçün çalışacağıq. Komandada super atmosfer, yüksək əhval-ruhiyyə var. Zamanla daha yaxşı oynayıb xallar toplayacağıq. Azarkeşlər bizim güclü tərəfimizdir. Hələ ölkənizə ilk gəlişimdə onların dəstəyini görmüşdüm. İndi də fanatların bizə güclü dəstək verəcəyini gözləyirəm. Azarkeşlərlə birgə komandanı irəli aparacağıq.”

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin