O, "Yuventus"dan ayrılmayacaq

Sportarena.az      24 Yanvar 2023 , 18:28

“Yuventus”un yarımmüdafiəçisi Anxel Di Maria klubdan ayrılmaq fikrində olmadığını bildirib.

 

Sportarena.az “Football İtalia”-ya istinadən xəbər verir ki, argentinalı futbolçu Turini tərk etmək fikrində olmadığını deyib:

“Əlbəttə, indi nəsə danışmaq üçün münasib vaxt deyil, çünki klub problem içindədir. Buna baxmayaraq, “Yuventus” güclü olaraq qalır. Əsas odur ki, güclü qalmalıyıq və ən yaxşı oyunumuzu nümayiş etdirməyə davam etməliyik. Mən həmişə ailəmi nəzərə alaraq qərarlar verirəm və ailəm Turində xoşbəxtdir. “Juventus” İtaliyanın ən böyük klubudur, Avropanın əsas komandalarından biridir, biz hər şeydən razıyıq”.

 

Di Maria 2022-ci ilin iyulunda azad agent kimi “Yuventus”a keçib. 34 yaşlı argentinalı ilə müqavilə 2023-cü ilin iyun ayının sonuna qədər qüvvədədir. O, 2022/23 mövsümündə 14 matçda 3 qol vurub, 5 məhsuldar ötürmə edib.

 

Qeyd edək ki, fəaliyyətində yol verdiyi maliyyə pozuntularına görə “Yuventus”un A Seriyasında topladığı xalların 15-i silinib. Nəticədə, klub turnir cədvəlində 3-cü pillədən 10-cu sıraya enib. Eyni zamanda, klub rəhbərliyində yer almış Paratiçi 2.5, Andrea Anyelli və Arrivabene 2 il, Çerubini 1 il 4 ay, Pavel Nedved isə 8 aylıq diskvalifikasiyaya məruz qalıb.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin