“Barselona”nın baş məşqçisi Xavi İspaniya kubokunun 1/4 finalının “Real Sosyedad”la matçını dəyərləndirib (1:0).
Sportarena.az “Football Espana”-ya istinadən xəbər verir ki, o, matçda yeganə qola imza atan Osman Dembelenin çox potensiallı və güclü olduğunu bildirib:
“Mən komandanın baş məşqçisi təyin olunduqdan sonra burada ən çox inkişaf edən futbolçu Dembele olub. O, çox güclü və potensiallıdır. Həqiqətən, mən ona inanıram. Ona qarşı müdafiə olunmaq məcburiyyətində qalan futbolçular həmişə çətinliklə üzləşirlər.
O, yaxşı oğlandır, fərqlilik yarada bilir. Mən buna görə çox xoşbəxtəm.
Məqsədimiz İspaniya kubokunu qazanmaqdır”.
“Real Sosyedad”ı mübarizədən kənarlaşdıran Kataloniya təmsilçisi adını yarımfinala yazdırıb. “Barselona”nın rəqibi püşkatmadan sonra bəlli olacaq.