“Qəbələ”nin Mərakeş əsilli belçikalı futbolçu Ayyub Allaş ilə razılaşdığı dəqiqləşib.
Sportarena.az xəbər verir ki, bu barədə komandanın baş məşqçisi Elmar Baxşıyev Misli Premyer Liqasının 21-ci turunda "Zirə" ilə matçdan (2:2) sonra açıqlamasında bildirib. O,25 yaşlı yarımmüdafiəçinin karyerasını əyalət təmsilçisində davam etdirəcəyini deyib:
“Bəli, onunla razılaşmışıq. Allaş ötən ilin yayından bəyəndiyim futbolçudur. İnanıram ki, çıxışı ilə komandamıza əlavə rəng qatacaq”.
Qeyd edək ki, Ayyub Allaşın son klubu Belçika təmsilçisi “Virton” olub.