“Kanselo düzgün qərar verdi” – Bernardo Silva

22:49 7 Fevral 2023

“Mançester Siti”nin yarımmüdafiəçisi Bernardo Silva keçmiş komanda yoldaşı Joao Kanselonun “Bayern”ə keçidindən danışıb.

 

Sportarena.az “Eleven Sports”-a istinadən xəbər verir ki, portuqaliyalı futbolçu həmyerlisinin düzgün qərar verdiyini deyib:

“Joaonun adına xoşbəxtəm. “Bayern”ə getmək onun üçün ən yaxşı seçim idi. Təbii ki, hazırkı komanda yoldaşlarım və mən onun gedişindən sonra kədərləndik. Çünki onu hər gün görə bilmirik. Kanselonu çox bəyənirəm. Məncə, o, düzgün qərar verdi”.

 

Qeyd edək ki, Münhen təmsilçisi 28 yaşlı futbolçunu bu mövsümün sonuna kimi satınalma şərti ilə “şəhərlilər”dən icarəyə götürüb. Almanlar onun transfer hüququnu almaq üçün 70 milyon avro ödəməli olacaqlar.


Xəbər xətti