İspaniya polisi “Real Madrid”in vingeri Vinisyus Juniorun formasında kukla və pankartla aksiyada iştirak edən şəxsləri müəyyənləşdirib.
Sportarena.az “El Confidential”a istinadən xəbər verir ki, təqsirləndirilənlər Madrid “Atletiko”sunun azarkeş qrupunun 6 üzvü olub.
Onlardan bəziləri 2014-cü ildə İspaniyanın digər klubu “Deportivo” azarkeşinin qətlində şübhəli bilinirlər. Hüquq-mühafizə orqanları həmin şəxslərin körpüdəki aksiyada iştirakını göstərən sübut və ifadələr toplayıb. Onlar nifrət cinayəti ilə ittiham olunacaqlar.
Qeyd edək ki, “Atletiko”nun azarkeşləri körpülərin birində üzərində “Madrid “Real Madrid”ə nifrət edir”, - sözləri yazılmış plakat asıblar. Bannerin yanında Vinisyus formasında bir maket olub.