Barselona”nın hücumçusu Osman Dembele “Evre 27” klubuna 100 min avro göndərib.
Sportarena.az xəbər verir ki, fransalı futbolçu yetirməsi olduğu klubun maliyyə problemlərinin öhdəsindən gəlməyə kömək edir.
“Evre 27”-nin prezidenti Samuel Brigantino oyunçuya köməyə görə təşəkkür edib. O, qeyd edib ki, bu məbləğ 700 yeniyetmə üçün daha yaxşı şəraitin yaradılmasına kömək edəcək:
“Biz futbolçuya və onun yaxınlarına sonsuz minnətdarıq. Xeyirxahlığınıza görə bir daha təşəkkür edirəm”.
Dembele bu mövsüm “Barselona”nın heyətində 28 matçda 8 qol vurub və 7 məhsuldar ötürmə edib.