Mövsümün sonunda "Liverpul"la müqaviləsi başa çatan Roberto Firmino komandanı tərk edəcək.
Sportarena.az xəbər verir ki, braziliyalı forvard Avropanın bir neçə klubunun transfer siyahısındadır. Onlardan biri də "Qalatasaray"dır.
İstanbul təmsilçisi 31 yaşlı forvardla görüşmək istəyini onun menecerinə bildirib. Təcrübəli futbolçu "Qalatasaray"ın görüş təklifini qəbul edib. Danışıqlardan sonra transferin baş tutub-tutmayacağı məlum olacaq.
Qeyd edək ki, Roberto Firmino "Liverpul"a 2015-ci ilin yayından "Hoffenhaym"dan transfer olunub. O, cari mövsümdə komandanın heyətində meydana çıxdığı 25 rəsmi matçda 9 qol və 4 məhsuldar ötürmə ilə yadda qalıb.