"Dünya çempionatında oynamaq istəyiriksə, bu cür “hədiyyə” verməməliyik" - Millimizin baş məşqçisi

11:29 8 Mart 2023

Futzal üzrə Azərbaycan millisi DÇ-2024-ün əsas mərhələsinin son oyununda Polşaya uduzaraq (2:7) qrup ikincisi iki elit-raunda yüksəlib.

 

Sportarena.az xəbər verir ki, görüşdən sonra Azərbaycan yığmasının baş məşqçisi Joze Alesio fikirlərini bölüşüb:

“Oyuna yaxşı başladıq və 2 real qol epizodu yaratdıq. Təəssüf ki, həmin epizodlardan istifadə edə bilmədik. Halbuki məşqlərdə də demişdim ki, bu cür oyunlarda kim şansından tez istifadə etsə, ilk qolu vurursa, qalib olacaq. Biz epizodları qaçırdıq, əvəzində qapımızdan qol buraxdıq. Daha sonra səhvə yol verdik və fərq artdı. Əgər dünya çempionatında oynamaq istəyiriksə, bu cür “hədiyyə” verməməliyik. Əksinə, diqqətli olmalıydıq. Tribunaların təzyiqi də üzərimizdə idi. Fasilədən sonra fərqi azaltdıq və nisbətən sakit oynamalı idik. Uşaqlara müdafiədə daha təmkinli davranmağı tapşırdım. Ancaq oyunçular hücuma keçirdi. Sanki oyun intizamından qopduq.

Yenə deyirəm, oyuna yaxşı başaldıq, fərqlənə bilmədik, amma qollar buraxdıq. Sona qədər mübarizə aparmaq lazım idi. Hesabda fərq yarandıqca məcbur olub risk etdik. Təəssüf ki, “beşinci” oyunçu ilə də onların fərqlənməsinə mane ola bilmədik”.


Digər xəbərlər

Xəbər xətti