Birinci divizionda 21-ci tura start verilib.
Sportarena.az xəbər verir ki, ilk oyun günündə dörd qarşılaşma baş tutub.
“Mingəçevir” – “Kəpəz-2” matçında qalib müəyyənləşməyib. “Neftçi-2” “Qarabağ-2” ilə oyunda darmadağına imza atıb. “Səbail-2” isə “İmişli” üzərində inamlı qələbəyə sevinib. “Qaradağ Lökbatan” da “Şamaxı-2” ilə oyunda məğlubiyətlə üzləşib.
İkinci oyun günündə “Sumqayıt”ın əvəzediciləri evdə MOİK-ə uduzub. “Qəbələ” və “Turan Tovuz”un əvəzedici komandalarının oyununda isə meydan sahibləri qələbə qazanıblar.
Lider “Araz Naxçıvan” doğma meydanda “Zirə”nin əvəzedici komandası ilə qarşılaşıb. Naxçıvan təmsilçisi bu oyunda darmadağına sevinib.
Birinci divizion
21-ci tur
15 mart
Araz Naxçıvan – Zirə-2 3:0
Qol: De Saboa İv Lüsyen, 29. Orxan Əliyev, 60. Fərid Kərimzadə, 86.
Hakimlər: Şamil İmanzadə, Vüqar Bayramov, Asif Abdullayev, Murad Səlimov
Hakim-inspektor: Orxan Məmmədov
AFFA nümayəndəsi: Elman Musayev
Naxçıvan Muxtar Respublika stadionu, 15:00.