“Roma”nın baş məşqçisi Joze Mourinyo “Latsio” haqda danışıb.
Sportarena.az “IFTV”-yə istinadən xəbər verir ki, o, paytaxt təmsilçisinin avrokuboklardan kənarda qalmasını biabırçılıq adlandırıb:
“Latsio” avrokuboklarda çıxış etməyəcək? Bu, biabırçılıqdır. UEFA Romada qala biləcək kubokun daşınmasına pul xərcləməli olacaq. Ola bilsin ki, titul bu dəfə Florensiyaya getsin”.
UEFA Konfrans Liqasının ilk qalibi “Roma”dır. “Canavarlar” finalda Niderland təmsilçisi “Feyenoord”u 1:0 hesabı ilə məğlub edib.