İtaliya A Seriyasının 28-ci turunda "Milan"la qarşılaşacaq "Napoli" matça ciddi itki ilə çıxacaq.
Sportarena.az klubun mətbuat xidmətinə istinadən xəbər verir ki, hazırda A seriyasının lideri olan neapollular Viktor Osimhenin xidmətindən istifadə edə bilməyəcək.
Nigeriyalı hücumçunun əzələsində problem yarandığı üçün bir neçə həftə meydanda olmayacaq.
Osimhen hazırda 21 qolla çempionatın bombardiridir.
"Napoli" - "Milan" matçı sabah Bakı vaxtı ilə 22:45-də başlanacaq.