"Real"ın futbolçusu Orelyen Çuameni karyerasını İngiltərə Premyer Liqasında davam etdirə bilər.
Sportarena.az xəbər verir ki, fransalı yarımmüdafiəçinin transferində "Liverpul" maraqlıdır. Bu barədə "El Nacional" nəşri məlumat yayıb. Mersisayd təmsilçisi üçün 23 yaşlı futbolçu yay transfer pəncərəsi üçün əsas hədəfdir. "Liverpul" Fransa millisinin üzvü üçün İspaniya klubuna 80 milyon avro ödəməyə hazırdır.
Qeyd edək ki, "Real" Orelyen Çuamenini mövsümün əvvəlində "Monako"dan transfer edib. O, "kral klubu"nun heyətində meydana çıxdığı 35 rəsmi matçda 3 qol ötürməsi ilə yadda qalıb.