"Liverpul"un hücumçusu Roberto Firmino yayda komandadan ayrılacaq.
Sportarena.az xəbər verir ki, 31 yaşlı forvard karyerasını İspaniyada davam etdirə bilər. Bu barədə "El Nacional" nəşri məlumat yayıb. "Real" mövsümün sonunda azad agent statusunda olacaq braziliyalı hücumçunu pulsuz heyətinə qatmağı planlaşdırır.
Qeyd edək ki, "Liverpul" Roberto Firminonu 2015-ci ilin yayında "Hoffenhaym"dan transfer edib. Təcrübəli futbolçu cari mövsümdə Mersisayd təmsilçisinin heyətində meydana çıxdığı 32 rəsmi matçda 11 qol və 5 məhsuldar ötürmə ilə yadda qalıb.