Bu gün Azərbaycan Premyer Liqasında 30-cu tura start veriləcək.
Sportarena.az xəbər verir ki, ilk oyun günündə 2 qarşılaşma keçiriləcək.
Açılış matçında 38 xalla 5-ci pillədə gedən "Zirə" 21 xalla sonuncu olan "Səbail"i qəbul edəcək.
İki komanda indiyədək ölkə çempionatında 22 dəfə üz-üzə gəlib. Bunların 14-də "qartallar", 4-də "dənizçilər" qələbə qazanıblar. 4 görüşdə qalib müəyyənləşməyib. Topların nisbətində də Rəşad Sadıqovun baş məşqçi olduğu üstündür - 30:14.
"Zirə" son 4 ev oyununda meydanı qələbə ilə tərk edib. "Səbail" son 6 səfər matçında qalib gəlmir.
Günün digər görüşü "Bakcell Arena"da "Neftçi" və "Qəbələ" arasında olacaq. Hazırda "ağ-qaralar" 60 xalla 3-cü, "qırmızı-qaralar" isə 39 xalla 4-cü sırada qərarlaşıb.
Bunadək keçirilmiş 58 Premyer Liqa oyununda paytaxt klubu 27, əyalət təmsilçisi 17 dəfə qələbəni bayram edib. 14 qarşılaşmada heç-heçə qeydə alınıb. Bakılıların 86 qoluna qəbələlilər 67 topla cavab veriblər.
"Neftçi" son 11 ev matçında qol vurub. "Qəbələ" son üç oyunda qələbə qazanmayıb.
Azərbaycan Premyer Liqası
30-cu tur
14 aprel (cümə)
17:30. "Zirə" 3:1 "Səbail" (yekun)
Qol: Vladislav Kulaç, 52, Rüstəm Əhmədzadə, 69, Eldar Quliyev, 90 - Qoba Zakpa, 90+7
Hakimlər: Cavid Cəlilov, Rahil Ramazanov, Zöhrab Abbasov, Əli Əliyev
Hakim-inspektor: Orxan Məmmədov
AFFA nümayəndəsi: Eldəniz Musayev
Zirə İdman Kompleksinin stadionu
20:00. "Neftçi" 1:2 "Qəbələ" (yekun)
Qol: E. Mahmudov 61 - Ramon Maçado, 13, İsnik Alimi, 24 (pen)
Hakimlər: Kamranbəy Rəhimov, Akif Əmirəli, Şirmamed Mamedov, Rəşad Əhmədov
Hakim-inspektor: Gülağa Cabarov
AFFA nümayəndəsi: Bəhram Qurbanov
"Bakcell Arena".
Qeyd edək ki, turun "Kəpəz" - "Turan Tovuz" oyunu aprelin 15-də, "Şamaxı" - "Sumqayıt" və "Sabah" - "Qarabağ" matçları isə aprelin 16-də olacaq.