“Kristal Pelas”ın yarımmüdafiəçisi Vilfrid Zaha Səudiyyə Ərəbistanı klubuna keçiddən imtina edib.
Sportarena.az “Goal”-a istinadən xəbər verir ki, 30 yaşlı futbolçu Kriştiano Ronaldonun çıxış etdiyi “Əl-Nəsr”dən gələn sərfəli təklifi rədd edib.
Əvvəllər Zaha “Əl-İttihad” və “Əl-Hilal”dan da təkliflər alıb, lakin heç bir klub onu keçidə razı sala bilməyib.
Zaha bu mövsüm “Kristal Pelas”ın heyətində bütün turnirlərdə 25 oyun keçirib, 6 qol vurub və 3 məhsuldar ötürmə edib. Onun klubla müqaviləsi 2023-cü ilin yayına kimi nəzərdə tutulub.