"Real" 2024-cü ildə "Mançester Siti"nin hücumçusu Erlinq Haalandı transfer etmək istəyir.
Sportarena.az "Telefoot"a istinadən xəbər verir ki, Madrid təmsilçisi norveçli hücumçunu Kərim Benzemanın əvəzedicisi kimi görünür. "Real" gələn il 35 yaşlı hücumçu ilə yollarını ayırmağı planlaşdırır. Fransalı oyunçunun klubu ilə müqaviləsi 30 iyun 2023-cü ilə qədər qüvvədədir. Lakin müqavilənin daha bir mövsümə uzadılacağı ehtimal edilir.
"Real" uzun müddətdir ki, Haalandla maraqlanır. Klub 2024-cü ildə bu transferlə bağlı danışıqlara başlayacaq
Qeyd edək ki, Haaland bu mövsüm Premyer Liqada 28 oyunda 32 qol vurub və 5 qolun ötürməsini verib.