"Çelsi"nin sabiq futbolçusu Didye Droqba klubun hazırda düşdüyü vəziyyət haqda danışıb.
Sportarena.az xəbər verir ki, veteran hücumçu klubun hazırki sahibi Todd Boelinin transfer siyasətini tənqid edib:
"Klubumu artıq tanıya bilmirəm. Bu, mənim bildiyim "Çelsi" deyil. Yeni klub sahibi və yeni baxış var. Təbii olaraq Roman Abramoviçin dönəmi ilə müqayisə edirik. O dövrdə də çoxlu transferlər olunmuşdu. Amma ağıllı seçimlər edilmişdi. Petr Çex, Andrey Şevçenko, Mixael Ballak, Hernan Krespo, Maykl Essyen, Floren Maluda kimi oyunçular alınmışdı. Artıq klubun fərqli strategiyası var. Gənc futbolçular transfer edərək risk edirlər. 30 nəfərlik paltardəyişmə otağını idarə etmək asan deyil".
Qeyd edə ki, "Çelsi" İngiltərə Premyer Liqasında 31 turdan sonra 39 xalla turnir cədvəlinin 11-ci pilləsində qərarlaşıb. London təmsilçisi Çempionlar Liqasında isə 1/4 finalda "Real"a məğlub olaraq mübarizəni dayandırıb.