"Mançester Siti"nin futbolçusu İlkay Gündoğan "Barselona"ya keçəcəyi ilə bağlı yayılan xəbərlərə münasibət bildirib.
Sportarena.az xəbər verir ki, 32 yaşlı yarımmüdafiəçi Almaniya mətbuatına açıqlamasında gələcəyi ilə bağlı deyib:
"Arxa planda "Barselona" ilə danışıqlar davam edir. Müqaviləmin bitməsinə bir neçə ay var. Bu vəziyyətdə kimləsə görüşməyim normaldır. Çox detallara girmək istəmirəm. Hələ qərarımı verməmişəm. Danışıqlar davam edir, nəsə yenilik olsa, məlumat veriləcək".
Qeyd edək ki, İlkayın "Mançester Siti" ilə müqaviləsi mövsümün sonunda başa çatır.