Səudiyyə Ərəbistanının "Əl-Nəsr" futbol klubu hücumçu Kriştiano Ronaldo ilə bağlı qalmaqal barədə bəyanat yayıb.
Sportarena.az xarici mətbuata istinadən xəbər verir ki, klubunun açıqlamasında deyilir:
“Ronaldo zədələnib. Onun “Əl-Hilal”ın futbolçusu Qustavo Kuellar ilə toqquşması çox həssas nahiyədə zərbə almasına səbəb olub. Bu, təsdiqlənmiş məlumatdır. Azarkeşlərin izahatlarına gəlincə, onlar istədiklərini düşünməkdə azaddırlar”
Qeyd edək ki, daha əvvəl Kriştiano Ronaldunun Səudiyyə Ərəbistanından deportasiya oluna biləcəyi barədə xəbər yayılıb. Məlumata görə, buna səbəb portuqaliyalı futbolçunun "Əl-Hilal"a 0:2 hesabı ilə uduzduqları çempionat oyunundakı davranışıdır.
İddia edilirdi ki, hücumçu meydançanı tərk edərkən "Messi" şüarları səsləndirən rəqib komandanın azarkeşlərinə qeyri-etik jest edib. Nuf ibn-Əhməd adlı vəkil Ronaldonu məhkəməyə verdiyini açıqlayıb.