“Qarabağ” Ramazan bayramı münasibətilə azarkeşlərinə jest edib.
Sportarena.az xəbər verir ki, bu gün Misli Premyer Liqasının 31-ci turunda “Zirə” ilə keçiriləcək oyuna giriş pulsuz olacaq. Bu barədə klubun sosial şəbəkə hesabından paylaşım edilib.
Fanatlar bu görüş üçün aldıqları biletlərdən Ağdam klubunun növbəti ev oyununda - "Qəbələ" ilə matçda istifadə edə biləcəklər.
"Zirə" ilə qarşılaşma üçün yalnız VIP biletlər satışda olacaq.
Qeyd edək ki, “Azersun Arena”da keçiriləcək Qarabağ” – “Zirə” matçı saat 20:00-da başlayacaq.