Mövsümün sonunda "Liverpul"la müqaviləsi başa çatan Roberto Firmino karyerasını İspaniyada davam etdirəcək.
Sportarena.az xəbər verir ki, braziliyalı hücumçu "Barselona" ilə razılıq əldə edib. Bu barədə "Daily Mail" nəşri məlumat yayıb. "Qalatasaray"ın da transfer etmək istədiyi 31 yaşlı forvard yayda azad agent statusu ilə "Barselona"ya keçəcək.
Qeyd edək ki, "Liverpul" Roberto Firminonu 2015-ci ilin yayında "Hoffenhaym"dan transfer edib. Təcrübəli futbolçu cari mövsümdə Mersisayd təmsilçisinin heyətində meydana çıxdığı 33 rəsmi matçda 11 qol və 5 məhsuldar ötürmə ilə yadda qalıb.