“Atletiko”nun qapıçısı Yan Oblak “Mançester Siti”nin hücumçusu Erlinq Haland haqda danışıb.
Sportarena.az TVE-yə istinadən xəbər verir ki, o, Norveç millisinin üzvünü əla oyunçu adlandırıb:
“O, əla oyunçudur. Yaşını nəzərə alsaq, qarşıdakı illərdə çoxlu uğur qazanacağını söyləyə bilərik.
Onunla yalnız milli komandalar arasında keçirilən matçlarda qarşılaşmışam. Halandı dayandırmaq üçün çox iş görmüşük, amma potensialı o qədər yüksəkdir ki, bu, bizim üçün çətin olub. Elə təkcə cari mövsümdə onun statistik göstəricilərinə baxmaq, haqqında fikir söyləməyə kifayət edir”.
Qeyd edək ki, 22 yaşlı Haland 2022/23 mövsümündə “şəhərlilər”in heyətində bütün turnirlər daxil olmaqla 42 oyuna çıxıb, 48 qol vurub və 6 məhsuldar ötürmə ilə yadda qalıb.