İngiltərədə Çempionşipin qalibi rəsmiləşib.
Sportarena.az xəbər verir ki, dünən səfərdə “Blekbern Rovers”ə 1:0 hesabı ilə qalib gələn “Bernli” statusuna görə İngiltərənin ikinci liqası sayılan yarışın qalibi olub. Vensan Kompaninin komandası 44 oyundan 95 xal, ikinci pillədəki “Şeffild Yunayted” isə 42 oyundan 82 xal toplayıb. Beləliklə, son 2 turun nəticəsindən asılı olmayaraq, lider mövqeyini dəyişməyəcək.
Daha əvvəl “Bernli” yeni mövsümdən Premyer Liqada birbaşa oynamaq hüququ qazanmışdı. Komanda 2021/2022 mövsümünün yekununa əsasən həmin yarışı tərk etmişdi.