"Arsenal" yayda Rusiyadan futbolçu transfer edəcək.
Sportarena.az Rusiya mətbuatına istinadən xəbər verir ki, London klubunun yay üçün transfer hədəfləri arasında "Zenit"in vingeri Malkomun da adı var.
26 yaşlı braziliyalı 2019-cu ildən Sankt-Peterburq klubunda çıxış edir.
Onun "Zenit"lə müqaviləsi 2027-ci ilin yayına qədərdir.
Rusiya nəhəngi "Arsenal"dan Malkom üçün 27 milyon avro tələb edir. O, bu mövsüm RPL-də 25 oyuna çıxıb, 22 qol vurub və 9 məhsuldar ötürmə edib.