“Liverpul” və “Brayton” oyunçularını dəyişmək istəyir. Daha doğrusu, mersisaydlılar transfer zamanı ehtiyat qapıçısından anlaşmada istifadə etmək niyyətindədir.
Sportarena.az xəbər verir ki, “Liverpul” yayda Aleksis Makallisterə əsas transfer hədəfi kimi baxır. “Brayton” isə argentinalı yarımmüdafiəçini satmağın əleyhinə deyil. Lakin qiymət həddindən artıq yüksəkdir və 24 yaşlı oyunçu üçün 70 milyon avro tələb olunur. Rəhbərlik qarşı tərəfə 40 milyon avro və ehtiyat qapıçı Kaomin Kelleheri təklif edir.
“Liverpul”un yetirməsi olan 24 yaşlı irlandiyalının seçilməsi təsadüfi deyil. Belə ki, “Brayton” mersisaydlılarla 3 illik müqaviləsi qalan qolkiperlə maraqlanır. Ona görə də ona anlaşmanın bir hissəsi kimi baxmaq istəyirlər.
Qərar mövsüm btdikdən sonra veriləcək. “Independent”in yazdığına görə, ilkin razılıq əldə edilib. Hər iki oyunçu yeni klubları ilə şəxsi müqavilələrini razılaşdıran kimi transferlər rəsmiləşəcək.