"Mançester Siti"nin baş məşqçisi Xosep Qvardiola Premyer Liqanın 36-cı turunda komandasının "Everton" üzərində 3:0 hesablı qələbəsini şərh edib.
Sportarena.az "Sky Sports"a istinadən xəbər verir ki, ispaniyalı mütəxəssis Premyer Liqada çempionluğu qazanmaq şanslarını dəyərləndirib:
"Çempionlar Liqasının yarımfinal oyunları arası bu görüş bizim üçün çətin oldu. "Everton" "Brayton"a 5 qol vurdu. Amma biz ilk dəqiqədən oyuna nəzarəti ələ almışdıq. Mövsümün sonunda parlaq çıxış etdik. Çempion olmaq üçün bizə daha iki qələbə lazımdır".
Qeyd edək ki, "Mançester Siti" 85 xalla liderdir.