“Tottenhem” heyətinə yeni qapıçı cəlb edəcək. Londonlular David Raya ilə müqavilə imzalamağa yaxındır.
Sportarena.az xəbər verir ki, 2019-cu ildən “Brentford”da oynayan ispan qolkiper ilkin təklifə razılıq verib. 27 yaşlı oyunçu klubu ilə gələn yay başa çatacaq müqavilənin müddətini uzatmaqdan imtina edib və cari mövsüm bitən kimi satılmasını tələb edir. “Brentford” qapıçısı üçün 40 milyon avro tələb edir.
“Tottenhem” bu transferə məcburdur. Komandanın əsas qolkiperi Uqo Loris gələn ay bitən müqaviləsini yeniləməyəcək. Fransalı karyerasını Səudiyyə Ərəbistanında davam etdirmək niyyətindədir.