Qvardiola: "İlkay ən vacib matçlarda sanki yoldaşlıq oyunu kimi oynayır"

11:57 4 İyun 2023

"Mançester Siti"nin baş məşqçisi Xosep Qvardiola İngiltərə kubokunda "Mançester Yunayted"lə oyundan (2:1) sonra yarımmüdafiəçi İlkay Gündoğan haqda danışıb.

 

Sportarena.az xəbər verir ki, sözügedən görüşdə türkəsilli almaniyalı yarımmüdafiəçi dubla imza ataraq komandasına qələbə qazandırıb.

 

Mütəxəssis oyunçu ilə bağlı "BBC Sport"a açıqlamasında deyib:

“İlkay əla mövsüm keçirir! Və bu, təkcə qabiliyyətlərə deyil, həm də mentalitetə ​​aiddir. İlkay ən vacib matçlarda sanki yoldaşlıq oyunu kimi oynayır. O, təzyiq altında olduqca yaxşıdır".

 

“Mançester Siti” tarixində yeddinci dəfə İngiltərə kubokunu qazanıb (1903/04, 1933/34, 1955/56, 1968/69, 2010/11, 2018/19, 2022/23).

 

Qeyd edək ki, İ.Gündoğanın İngiltərə klubu ilə müqaviləsi iyunun 30-u başa çatır. Onunla "Barselona", "Milan", "Arsenal"ın maraqlandığı iddia olunur.


Digər xəbərlər

Xəbər xətti