"Real"ın prezidenti Florentino Peres komandanın bir azarkeşinin PSJ-nin hücumçusu Kilian Mbappeni transfer edəcəkləri ilə bağlı sualını cavablandırıb.
Sportarena.az xəbər verir ki, bu haqda goal.com məlumat yayıb. Bir azarkeş Peresdən klubun Mbappe ilə müqavilə imzalayıb-imzalamayacağını soruşub. Prezident isə deyib:
“Biz Mbappeni transfer edəcəyik, amma bu il yox”.
Mbappe 2022-ci ildə "Real"a keçməyə yaxın idi, lakin son anda PSJ ilə müqaviləsini 2025-ci ilə qədər uzadıb. Kilian bu mövsüm Paris təmsilçisinin heyətində bütün yarışlarda 43 matçda iştirak edib, 41 qol vurub, 10 qolun ötürməsini verib. Onun komandası Fransa çempionu olub. "Transfermarkt" Mbappeni 180 milyon avro dəyərində qiymətləndirir.